Alah babujuak hati mangicuah raso sunyi
Namun bayangan Uda takana juo
Bagaluik raso rindu jarak nan mambalanggu
Denai nan manunggu bilo kito batamu
Takadia kasiah antaro kito baduo
Bajauahan dalam manjalin cinto
Ka nan kuaso doa nan denai pinto
Satukanlah untuak salamonyo…
Reff :
Marindu-rindu hati
Bakawan raso sunyi
Denai manunggu Uda manabuih janji
Sayang jagolah cinto nan lah denai bari
Sampai kasiah indak bapisah lai
Marindu-rindu hati
Bakawan raso sunyi
Uda nan denai nanti
Sayang diujuang malam denai bakirim pasan
Harok dalam mimpi kito di patamukan
Harok dalam mimpi kito di patamukan…